A Coruña acolle a presentación do MIS Internacional 2026 e as tendencias clave do sector dos eventos

O Grupo eventoplus celebrará o próximo martes 21 de abril na Coruña unha sesión de presentación do MIS Internacional 2026, que terá lugar na cidade do 27 ao 29 de setembro. Durante o encontro tamén se darán a coñecer as principais tendencias do sector recollidas no Estudo de Mercado 2026.

A cita, que se desenvolverá no Club Cámara Noroeste, abordará cuestións clave como o impacto da intelixencia artificial nos eventos, as prioridades estratéxicas das marcas e as oportunidades que marcarán os próximos meses. Ademais, abrirase un espazo de intercambio entre profesionais do sector.

O evento conta coa colaboración da Axencia de Turismo de Galicia, o Consorcio de Turismo e Congresos da Coruña, o A Coruña Convention Bureau e Meliá Hotels International. A inscrición é gratuíta.