A Coruña Convention Bureau exhibiu a oferta MICE da cidade nun intenso FAM Trip

A Coruña converteuse no epicentro do turismo de negocios coa celebración dun novo FAM Trip deseñado para destacar a súa oferta MICE (Meetings, Incentives, Conferences, and Exhibitions). Este evento, que tivo lugar do luns 15 ao xoves 18 de xullo, permitiu aos participantes descubrir a riqueza cultural e gastronómica da cidade, así como as súas instalacións para eventos.

O luns 15 de xullo, os participantes chegaron á Coruña e aloxáronse no Hotel Riazor. Este primeiro día serviu de preparación para o intenso percorrido que lles esperaba.

O martes 16 de xullo comezou cunha visita a un dos símbolos máis emblemáticos da cidade: a Torre de Hércules. Declarada Patrimonio da Humanidade pola UNESCO, a torre ofrece aos visitantes unhas vistas espectaculares do Atlántico e da cidade.

A seguinte parada foi o Mundo de Estrella Galicia (MEGA), onde os participantes aprenderon sobre a rica historia e o proceso de elaboración da Estrela Galicia. Despois, gozaron dunha deliciosa comida na Taberna da Penela, degustando o mellor da gastronomía local. 

A tarde estivo dedicada ao arte e a historia. Comezou cunha visita á Casa Museo Picasso, que alberga 33 obras que mostran a evolución do mozo Picasso e a influencia do seu pai na súa arte. A xornada concluíu cunha visita guiada pola Cidade Vella e unha cea no restaurante A Mundiña.

O mércores 17 de xullo foi igualmente emocionante. Pola mañá, o grupo visitou tres destacados hoteis: Double Tree by Hilton, Meliá María Pita e NH Collection Finisterre, onde puideron gozar dun coffee break. 

Continuaron realizando unha visita ao Pazo de Vilaboa e a Finca Montesqueiro. A comida tivo lugar no Pazo de Santa Cruz de Mondoi, onde os asistentes saborearon pratos típicos galegos como empanada, polbo á feira, zamburiñas, luriñas, filloas ou mexillóns, entre outros, todo iso acompañado pola música e os bailes tradicionais da Asociación Cultural Donaire.

Pola tarde, realizaron unha excursión nun dos barcos de Altavela Servizos Náuticos dende o porto de Sada ata o porto de Lorbé. Este paseo ofreceu unha perspectiva diferente e relaxante da costa galega. A cea deste segundo día tivo lugar no restaurante El de Alberto. A mañá do xoves, día 18 de xullo, concluíu o FAM Trip.

Este FAM Trip en A Coruña non só mostrou as incribles capacidades da cidade para acoller eventos MICE, senón que tamén permitiu aos participantes mergullarse na súa cultura, historia e gastronomía. A través desta viaxe, A Coruña consolidouse como un destino imprescindible para o turismo de negocios.