A Coruña reforza a súa presenza na 25ª edición de MITM Europe

Do 19 ao 21 de xaneiro, Madrid foi o escenario da 25ª edición de MITM Europe, unha das feiras máis relevantes do sector MICE (Meetings, Incentives, Conferences, Exhibitions), no que A Coruña estivo representada por Álvaro Lens, xerente de A Coruña Convention Bureau, e Pilar López Cordal, directora de Eventos de ExpoCoruña.

Con 30 reunións previamente confirmadas e un programa de networking moi completo, a delegación coruñesa traballou para posicionar a cidade como un destino competitivo para a celebración de congresos e eventos internacionais. «A nosa participación en MITM Europe é clave para dar visibilidade a A Coruña e mostrar o seu potencial como sede de eventos de gran envergadura», sinalou Álvaro Lens.

Esta participación enmárcase na estratexia de A Coruña de seguir apostando polo sector MICE, impulsando o desenvolvemento económico local e destacando as infraestruturas de calidade que a cidade ofrece para o turismo de negocios.