ACCB, na Primeira Mesa da Calidade Turística da Coruña
A Coruña Convention Bureau é unha das institucións que conforman a Primeira Mesa pola Calidade Turística da Coruña que se instalou esta mañá na Casa do Concello. Durante a reunión de hoxe na que estivo presente o noso presidente, José Blanco, o novo organismo realizou as primeiras avaliacións para seleccionar as 14 empresas da cidade que optan ao selo de calidade turística SICTED (Sistema Integral de Calidade Turística en Destino). A mesa tamén está integrada polo presidente, Juan Ignacio Borrego, concelleiro de Turismo da Coruña; Héctor Cañete, presidente da Asociación de Hostelería da Coruña; Agustín Collazos, presidente de Hospeco; Eduardo Guillén, catedrático da Universidade da Coruña; e Moisés Jorge Naranjo, xerente do Consorcio de Turismo e Congresos da Coruña.
Foron 47 as empresas que presentaron a súa candidatura, das cales 14 obtiveron valoracións positivas e agora poden recibir o selo SICTED na próxima Comisión de Interdestinos, prevista para o 15 de xuño en Madrid.
Preselección
Na categoría de Hoteis e Apartamentos Turísticos, as empresas que superaron estas probas iniciais son o Hotel Attica21 e o Hotel Riazor, mentres que na categoría de Museos Visitables e Centros de Interese Turístico, o Centro de Interpretación e Atención ao Visitante - Oficina de Turismo, Mega. Mundo Estrella Galicia, Museos Científicos da Coruña e Torre de Hércules.
No apartado de Restauración e Empresas de Restauración, está o Restaurante Ecletic (recentemente incorporado ao Club de Produtos de Destino Sostible Galicia); no eido de Espazos de turismo e encontro existe EXPOCoruña; na área de Convention Bureaus, A Coruña Convention Bureau; na modalidade de Experiencias e Obradoiros Turísticos, destacou Pencil&Fork; en Cruise and Ferry Docking, Rubine and Sons; no capítulo de Axencias de Viaxes, Viaxes Embajador; e, finalmente, na área de OPC, Global Azaga.
Estamos contentos de que moitos dos nosos asociados sexan seleccionados. Moita sorte a todos!
