Begoña Navarro Francés, Area Director of Sales – Urban Hotels North Spain: “A demanda de reunións e eventos no norte de España está a experimentar unha evolución positiva”

Con motivo de la celebración de MIS International en A Coruña, conversamos con Begoña Navarro Francés, Area Director of Sales – Urban Hotels North Spain en Meliá Hotels International, para conocer la visión del sector hotelero ante este encuentro profesional y analizar el papel estratégico que desempeñan la coordinación público-privada y la calidad de la planta hotelera en el posicionamiento internacional del destino dentro del mercado MICE.

Desde a perspectiva dun grupo hotelero internacional como Meliá, qué valor estratéxico ten participar en encontros como o MIS International dentro do mercado MICE?

Participar en MIS International é un investimento estratéxico para o noso grupo hoteleiro, xa que nos permite conectar directamente con organizadores MICE internacionais, xerar novas oportunidades de negocio, aumentar a visibilidade das nosas propiedades e fortalecer relacións a longo prazo. Grazas a isto, reforzamos a nosa posición dentro dun mercado altamente rendible e en plena expansión.
Ademais, colaborar estreitamente co destino e acoller este evento nas nosas propias instalacións achéganos un valor diferencial: os asistentes poden experimentar de primeira man o potencial da cidade para albergar reunións, incentivos e eventos corporativos, ao tempo que viven persoalmente a calidade do noso servizo. Esta experiencia inmersiva convértese nun factor decisivo para captar eventos de alto valor e consolidar a nosa estratexia comercial dentro dun dos segmentos máis relevantes para a hoteleiría actual.

¿Cómo está evolucionando a demanda no segmento de reunións e eventos no norte de España e qué están priorizando hoxe os organizadores á hora de elexir hotel?

A demanda de reunións e eventos no norte de España está a experimentar unha evolución positiva, impulsada por un maior interese en destinos que ofrecen autenticidade, sustentabilidade e contornas propicias para experiencias profesionais de alto valor. Paralelamente, os organizadores priorizan hoteis que garantan unha axeitada accesibilidade dentro da cidade para o movemento de grupos de persoas, unha relación calidade-prezo competitiva, infraestruturas fiables e renovadas, un equipo humano cun claro foco no servizo que os acompañe durante todo o proceso de organización do evento e un compromiso claro con prácticas sostibles. Así mesmo, valoran que o establecemento integre de maneira natural a identidade do destino e poida ofrecer experiencias personalizadas que acheguen un valor engadido ao evento.

Nun evento internacional como o MIS, qué papel xoga a coordinación entre destino, convention bureau e planta hoteleira para competir frente a outras prazas europeas?

Desde a miña experiencia, a coordinación entre o Convention Bureau, a planta hoteleira e o resto de empresas colaboradoras é fundamental e desempeña un papel claramente estratéxico para competir a nivel internacional, xa que o Convention Bureau achega a promoción, a cohesión e o posicionamento do destino, mentres que os hoteis e os demais actores garantimos a calidade operativa e a experiencia final do asistente; cando traballamos aliñados, o destino preséntase de forma sólida, unificada e cunha solución integral que demostra a súa capacidade e calidade, algo esencial para estar á altura doutras prazas europeas.

No caso concreto de A Coruña, qué oportunidades detectades para posicionar o destino no mapa MICE internacional a medio prazo?

No caso da Coruña, vemos varias oportunidades claras para posicionar o destino a medio prazo, e quizais a máis relevante é o crecente interese dos organizadores en explorar novos destinos que ofrezan solucións integrais, cohesionadas coa contorna e con estándares de calidade. A Coruña encaixa moi ben nese perfil e, ademais, conta co impulso do importante labor que está a realizar o seu Convention Bureau.
Desde o noso ámbito, tamén estamos a reforzar a presenza en encontros profesionais tanto a nivel nacional como internacional, o que contribuíu a ampliar o interese pola cidade como sede de futuros eventos. A pesar destes avances, aínda existe unha ampla marxe de crecemento, xa que moitos organizadores de eventos internacionais continúan sen coñecer o potencial da Coruña como destino MICE, o que representa unha oportunidade real para consolidala como unha alternativa emerxente e competitiva dentro do panorama europeo.