Finca Montesqueiro

Finca Montesqueiro, situada no exclusivo municipio de Oleiros, a tan só 6 km. do centro da Coruña, é un espazo singulardeseñado e construído co único obxectivo de dar cabida a calquera evento profesional, facendo que os seus clientes se sintan como na súa propia casa. Este obxectivo marcou tanto a arquitectura, como por suposto a distribución e deseño dos distintos espazos. É por iso que nos 6.000 m2 de espazo, contamos con instalacións de cociña propias e de última xeración, con dous salóns con capacidade de 400 e 150 comensais, con terraza acristalada, terraza ao aire libre, amplas zonas verdes de xardín, con aparcadoiro con acceso ao hall do edificio e unha suite de 80 m2.

Con vistas ao xardín e á Ría, o Salón Dourado (de 416m2) mestura a luz natural que achega a terraza que o rodea, coa iluminación artificial do seu escultórico teito. Considérase o lugar idóneo para celebrar unha conferencia, un coloquio, presentación de vehículos ou pechar ao grande un congreso cunha cea de gala.

O Salón Enredos (de 242m2), un dos espazos máis versátiles da finca, sitúase na planta baixa con acceso ao xardín e á Terraza dos Fentos, e é ideal para pequenos eventos (unha tendencia en auxe no sector) que poderían combinar a reunión no salón, un coffee na terraza e o cóctel no maxestoso xardín con arces xaponeses, fervenzas e láminas de auga. Actualmente o Salón de Enredos transformouse con set audiovisuais para eventos presenciais, virtuais ou híbridos.

En Finca Montesqueiro tamén ofrecemos a posibilidade de celebrar o teu evento ao aire libre, o noso xardín está preparado para acoller tanto unha reunión, un cóctel-aperitivo, como un xantar ou cea que os invitados vivirán nunha contorna única, rodeados dunha gran variedade de especies, entre as que podemos destacar as camelias, os arces e un magnífico magnolio.

A nosa oferta gastronómica se mimetiza co concepto de cada evento grazas ao asesor culinario, o chef Nandu Jubany, que conta cunha Estrella Michelin, baseada nunha boa materia prima e unha excepcional posta en escena.

Son todos estes ingredientes, tanto os humanos, como os arquitectónicos, os que fan de Finca Montesqueiro un lugar único e diferente, un espazo ideal para o teu evento.

Rúa Xardíns, 2. 15172 Perillo. Oleiros