Palexco

Palexco álzase a beiras do mar, no corazón da Coruña, rodeado das emblemáticas galerías, a mariña deportiva, o centro histórico e un delicioso paseo marítimo de 13km que percorre toda a cidade. A luz e a amplitude que apunta o exterior do edificio desbórdase ao acceder ao interior. A súa arquitectura ,moderna e vangardista, presenta espazos diáfanos, versátiles, luminosos, amplos e con excepcionais vistas…. perfectos para organizar calquera tipo de evento profesional, cultural ou social.

O palacio conta cun equipo experto e ofrece un servizo integral, flexible e personalizado, achegando aos organizadores todos os recursos técnicos e humanos necesarios para garantir o éxito dos seus eventos.

Palexco atópase estratexicamente situado sobre o Peirao de Transatlánticos do porto coruñés. A súa proximidade coas principais infraestruturas de comunicación – aeroporto e estacións de tren e autobús – e a escasos minutos camiñando do núcleo comercial, hostaleiro, cultural e de lecer da Coruña, onde se sitúan os mellores hoteis, tendas e restaurantes da cidade, fan de Palexco un lugar idóneo para combinar a axenda profesional cos momentos de lecer dos visitantes.