Rafael Arriaza, embaixador de A Coruña Convention Bureau, organiza na cidade o congreso bianual SETRADE

Published On: 22 de Marzo de 2023Categories: Uncategorized

O doutor Rafael Arriaza será o presidente do comité organizador do XV Congreso da Sociedade Española de Traumatoloxía do Deporte que se celebrará no Hotel Attica21 Coruña da cidade os días 23 e 24 de marzo. O congreso que reunirá a especialistas de todo o país é bianual e nesta ocasión os expertos falarán de fracturas e luxacións no deporte.

O pasado 12 de xaneiro, o A Coruña Convention Bureau nomeou a Rafael Arriaza (xunto á radióloga María Jesús Díaz Candamio, ao empresario Manuel Meijide e, con título honorífico, ao presidente executivo da Corporación Hijos de Rivera, Ignacio Rivera) Embaixadores da Coruña MICE, como prescriptores dos grandes eventos da cidade.

A Noite dos Embaixadores está dirixida a empresarios, académicos, médicos ou outros actores que poidan actuar como prescriptores do turismo profesional na nosa cidade, implicándose así no proxecto A Coruña Convention Bureau. O seu obxectivo é resaltar a importancia do turismo de encontro na cidade, apelando á implicación nel, xa sexa como prescriptores ou decisores, a todo o tecido empresarial e de coñecemento e difusión, para que reciban o recoñecemento público pola súa colaboración na recomendación da Coruña como destino de reunións, incentivos, congresos e eventos.

Comparte en redes