A Coruña Convention Bureau viaxa a Londres para presentar a cidade como destino MICE
A Coruña Convention Bureau estivo presente onte en Londres para realizar unha presentación de destino, na que o xerente do ente público-privado, Álvaro Lens, destacou as vantaxes da cidade para eventos MICE. Esta presentación internacional enmárcase dentro da política de promoción turística e levouse a cabo grazas ao convenio de colaboración co Consorcio de Turismo e Congresos da Coruña.
O encontro consistiu nunha presentación ao segmento corporativo, e contou coa presenza de empresas que realizan eventos. A presentación correu a cargo de Álvaro Lens, xerente de A Coruña Convention Bureau, quen destacou as vantaxes da cidade como destino profesional, relacionadas sobre todo coas boas comunicacións, os espazos para a celebración de eventos, o tamaño manexable da cidade e a calidade da profesionais que traballan no sector, especialmente as empresas asociadas ao Convention Bureau. Tamén asistiron o xerente de Turismo, Moisés Jorge Naranjo, e Pedro Merino, subdirector da OET.
“Houbo moito interese, pediron moito os asistentes e algunhas das consultas indican que en breve teremos novos visitantes na Coruña. Contactarémonos con todos eles nos próximos días para ofrecerlles máis información e seguir promocionando a cidade no segmento de viaxes de incentivo”, explica Álvaro Lens. Tamén quixo destacar a localización escollida para o encontro: "Foi nun dos restaurantes Ibérica Marylebone, unha cadea de orixe española, cuxa cervexa de barril é de Estrella Galicia, un guiño máis ao noso socio estratéxico", sinala Lens.
Ademais da presentación, o A Coruña Convention Bureau organizou un sorteo entre os asistentes, grazas ás doazóns de diferentes socios da entidade e de Vueling Airlines, que doaron dous billetes dobres de ida e volta á cidade. Os premiados, xunto con dous acompañantes, visitarán A Coruña nos próximos días, aloxándose no Hotel Zenit e no Hesperia Coruña Centro, cunha visita a MEGA Estrella Galicia con circulación de cervexa e un circuíto termal na Termaria Casa del Agua. Un deles tamén terá unha visita ao mercado con Pencil & Fork.
